BUTUAN CITY – Gikumpirma ni Palace Press Officer Undersecretary Claire Castro nga gibuhian na sa kagamhanan sa Qatar ang 17 ka mga overseas Filipino workers kon OFWs nga una nang gikatahong nadakpan tungod matud pa sa paglambigit sa rali isip suporta kang kanhi Pangulong Rodrigo Duterte.
Sa press briefing sa Malakanyang, gipadayag ni Atty. Castro nga gikumpirma kini sa Qatari government ngadto kang Pangulong Ferdinand Marcos Jr. pinaagi kang Qatari Ambassador to the Philippines Ahmed Bin Saad Al-Homidi.
Gipadayag sa Qatari official nga nagsalamin matud pa kini sa lig-ong panaghigalaay sa duha ka nasud human matud pa gimando sa pangulo ang pagbuhi sa mga niini.
Madumdumang mipalag ang ubang mga OFWs sa Qatar ilabina kadtong mga higala sa pipila ka mga nadakpan tungod kay dili matud pa ang pagrali ang hinungdan niini kondili ang pagkasapon nila atol sa usa ka beach party nga expire na ang ilang Qatar identification kon Q-ID.
