BUTUAN CITY – Nagpa-abot Og pahasubo ang kadumalahan sa Magallanes National High School sa Magallanes, Agusan del Norte ngadto sa pamilya sa ilang Grade 11 student nga nalumos-patay sa Agusan River partikular sa Barangay Sto. Niño.
Sigon ni Glenn Delasala, principal sa maong tunghaan, wala nagsakay og bangka ang mga bata dihang mihimo sa ilang film making project tungod kay kalabot man sa terorismo ang ilang ‘pryekto.
Gilantaw usab niini ang conversation diha sa group chat sa magtutudlo ngadto sa iyang mga estudyante nga mag-shoot lang sulod sa tunghaan og kung himoon kini sa gawas, didto lang sa ilang balay nga dunay pagtugot usab sa ginikanan.
Sumala pa sa principal, walay ideya ang instructor nga moadto diay ang mga estukdyante sa maong dapit nga nahitaboan nga nasutang maoy tagbuanan lang nila tungod kay himoon unta ang film making sa merkado.
Gibutyag usab niini nga mohimo sila og stress debriefing sa kaubanan sa biktima samtang karung adlawa dunay himoong faculty meeting aron masuta ang angayan pang buhaton aron malikayan ang susamang insidente
