BUTUAN CITY – Milansang sa 16 ka mga wanted persons ang nasikop sa managlahing operasyon sa tibook Caraga sa niaging semana.
Naila ang tulo ka mga most wanted persons sila Marvin Awayan, 19-anyos taga Bunawan, Agusan del Sur, sa kasong murder kansa top 1 sa Managing Police Operation Target sa Police Station 11 Baguio District, Davao City Police Office, ug nasikop sa operatiba sa Bunawan Municipal Police Station; Jessa Mundia, 21-anyos taga Loreto sa kasong child abuse ug Jovette Canlas, 25-anyos residente sa Brgy. Diego Silang, Butuan City, sa kasong Qualified Theft ug top 10 most wanted person sa estasyon nga lebel.
Sa Surigao del Norte nasikop sila alyas Junel, 17-anyos sa lungsod sa Dapa tungod sa kasong Child abuse; Allan Baay, 45-anyos sa Placer town, Alde Corminal, 33-anyos sa San Francisco nga parehong akusado sa Anti-violence Against Women and their Children ug si Jerry Boy Ipanag, 32-anyos sa Surigao City sa kasong Direct Assault.
Nasikop usab sa Surigao del Sur si Andres Catic, 45-anyos sa Barobo tungod sa paglapas sa VAWC; Honorato Gales, 68-anyos sa Tandag City sa violation of an Act increasing the Penalties for Illegal number Games; Joel Ebdao, 26, sa Tagbina sa kasong robbery ug Mary Grace Romero, 26-anyos sa Tandag City kansa boluntaryong mitahan sa operatiba sa kasong Estafa.
Samtang sa Butuan City nadakpan si Alejandro Cabungan, 38, sa kasong VAWC; Dennis Ragmac, 24, sa child abuse; ug Roberto Damalerio JR., 29 sa kasong pagpangawat ug Marissa de Ocampo, 42, sa Qualified Trafficking of Persons.
