16 ka mga kandidato pagka-kapitan nga gi-disqualify sa COMELEC, pulos pildi sa BSKE 2023

BUTUAN CITY – Gikumpirma ni Atty. April Joy Balano, ang provincial election supervisor sa Commission on Elections kon COMELEC-Agusan del Norte, nga wala’y bisan usa sa 16 ka mga kandidato pagka-barangay kapitan sa Buenavista, Agusan del Norte nga gi-disqualify sa Commission on Elections kon COMELEC, ang nakadaug sa Barangay ug Sangguniang Kabataan elections.

Sa eksklusibong pakighinabi sa Bombo Radyo Butuan, gibutyag ni Atty. Balano nga bisan pa man og wala’y nakadaug sa maong mga kandidato, pending pa gihapon ang ilang kaso sa COMELEC 2^nd Division ug naghulat pa nga desisyunan.

Giklaro sa opisyal nga ang resolusyong nag-disqualify sa nasangpit nga mga kandidato, makonsidera gihapong moot and academic.