-- ADVERTISEMENT --
BUTUAN CITY – Sa pinaka-unang higayon, nakatala ang Caraga Region og 16 ka mga bag-ong patay tungod sa COVID-19 kansa mao ang pinakadaghan sukad na-igo sa coronavirus ang maong rehiyon.
Gawas sa mga namatay, nadugangan usab og 44 ang bag-ong kaso kondiin 28 niini nga lalaki samtang 16 ang mga babaye uig 61-porsiento ang anaa sa edad nga 21 hangtud 50-anyos.
Sa listahan sa mga namatay, tag-usa ang natala sa mga lungsod sa San Francisco ukg Trento sa Agusan del Sur, Cantilan ug Barobo sa Surigao del Sur ug Bislig City samtang ang laing 11 pulos taga-Surigao City.
Sa kinatibuk-an, ang Caraga Region duna na’y 3,158 ka mga cumulative confirmed cases kondiin 421 ang mga aktibong kaso, 2,584 ang mga nakarekober ug 153 ang mga namatay.
