BUTUAN CITY – Nagtingkagol na sa kapulisan sa Naga City, lalawigan sa Cebu ang usa ka ama-ama human nga nabulabog na ang duha ka tuig na niyang pagkunsumo sa 16-anyos nga anak sa iyang ka-ipon sa kondiin una niya kining nakuha dihang 5-anyos pa lang ang biktima kinsa wala gilayon makasumbong tungod sa gihuptan niining armas.
Kagahapon sa alas-9:00 ang takna sa buntag, nasikop sa kapulisan ug sa mga sakop sa National Bureau of Investigation kon NBI-Central Visayas Regional Office (CEVRO), ang suspetsadong gitago lang sa pangalang Loloy didto mismo sa iyang hideout sa Sitio Cajambay sa Brgy. Colon, sakop sa maong lungsod.
Naasayrang katapusang nahilabtan sa suspetsado ang biktmang gitago lang sa pangalang Angel niadtong Pebrero 2 ug dihang naka-uli sa balay sa iyang lola, didto na gitu-an ang tanan tungod kay dili na niya makaya ang iyang naagi-an kansa iya lang nasulti ngadto sa iyang suod nga higala.
Misibat pa ang suspetsado dihang nasayrang nabulabog na ang iyang gihimo rason sa gilusad nga hot pursuit operation ug nadakpan siya samtang nakuha gikan sa iyang posisyon ang caliber 22-revolver.
Gi-andam na ang kasong child abuse ingon man pagpanglugos batuk sa suspetsado apil na ang paglapas sa Republic Act 10591 tungod sa paghupot niini og dili lisensyadong armas.
