BUTUAN CITY – Nisalmot karung adlawa ang Kapisanan ng mga Broadcaster sa Pilipinas kon KBP-Agusan Del Sur-Surigao Del Sur chapter sa ika-pito ka tuig nga nationwide simultaneous treeplanting kon Oplan Broadcastreeing.
Sigon ni Alfredo “Nonoc” Plaza, Vice Chairman sa KBP- Agusan Del Sur-Surigao Del Sur chapter, sukwahi sa niaging katuigan, mag-usa karun sila sa usa ka area, isip reunion usab sa mga miyembro didto sa Barangay Pinagalaan, Bayugan City.
Ang maong kalihukan, suportado sa proyekto nga national greening program diin nagkig-alayon sila sa lokal nga kagamhanan ug Department of Environment and Natural Resources kon DENR pinaagi sa memorandum of agreement.
Sa alas 4:00 palang sa buntag, nagtapok na ang tanang misalmot sa tree planting sa rotunda sa maong siyudad nga sundan gelayon sa usa ka Zumba adiser ang mini Caravan padulong sa watershed area sa Barangay Pinagalaan. Muabot usab sa mil-500 ka seedling sa narra ang gitakdang itanom sa maong tree planting.
Gipasabot nalang sa opisyal nga ang maong aktibidad, nagpamatood nga ang media wala lang naglimita diha sa ilang pagyawyaw, kundi pagbuhat usab sa ilang gisangyaw. Kini aron mas masabtan ang kamahinungdanon sa pagtanom ug kahoy diha sa paghigugma sa kinaiyahan. (Rolan Janea)
