BUTUAN CITY – Mi-abot sa 150 ka mga panimalay ang na-abo sa dakong sunog sa Zone 3, Agora, Brgy Lapasan , Cagayan de Oro City kagahapon nga gibana-banang mi-abot sa 1.5-milyunes pisos ang kantidad sa structural damage.
Sigon ni Bureau of Fire Protection Cagayan de Oro District Operation Division head Fire Insp Kyle Bryan Lauzon, nagsumikad ang kalayo sa balay ni Cerilio Sumalpong ug paspas mikaylap sa mga silingan nga mi-angol pa sa usa ka minor de edad.
Sigon ni Lapasan Punong Brgy Julito Ogsimer, naglisod matud pa pagsulod ang mga bombero tungod sa kagamay sa dalan sa nasunugan ug kusog usab nga huyop sa hangin.
Gipahiluna karon ang mga biktima sa designated evacuation center sa barangay samtang naghulat sa dugang tabang gikan alang sa mga biktima tungod kay dili na pa-igo ang pundo nila sa brgy ug bisan ang ayuda gikan sa City Hall ngadto sa mga biktima ilabina nga kutob lang sa usa ka semana ang kaya sa barangay aron mahatagan sa ilang panginahanglan ang mga apektadong pamilya.
