BUTUAN CITY – Miabot sa 150 ka panimalay ang gelamoy sa kalayu sa nahitabong sunog kaganinang alas 10:52 sa buntag sa may Purok-1A Barangay Taglatawan, siyudad sa Bayugan, Agusan Del Sur.
Sa pakighinabi kang FO2 Glen Sergio Eleuterio, sa Bureau of Fire Protection kon BFP-Bayugan, nagsugod ang pagulbo sa kalayu sa gibiyaang panimalay ni Navila Abdula, nga niuli na sa Marawi City.
Nagluto matud pa sa iyang balay ang iyang kaparentihan ug silingan adiser nangaligo ug dagat nga posibling gigikanan sa kalayu.
Sumala pa niini nga miabot sa 4th alarm ang sunog nga milungtad ug kapin 3 ka oras adiser hingpit nga nadeklarang fireour alas 2:30 sa hapon.
Dali matud pang mikaylap ang kalayu tungod sa ka-init sa panahon, kakusog sa hangin nga mibali-bali pa ang huyop, og duna pay nangbuto-buto nga fireworks nga anaa sa mga nasunog nga panimalay sa muslim community.
Nagdikit-dikit usab ang mga balay nga pulos gama sa light materials samtang naglisud sila sa pag-agi tungod kay gamay lang ang dalan nga gibutang pa ug mga gamit nga nasalbar.
Nakaresponde usab ang mga kasikbit nga fire station sa lungsod sa Esperanza, Sibagat, Patin-ay, Prosperidad ug Butuan City.
Gibana-banang muabot sa 500-mil pesos ang damyos. Gelayon usab nga nagpatawag ug meeting ang City Disaster Risk Reduction Management Council aron matabangan ang mga apektadong indibidwal nga anaa karun sa covered court gipahiluna.
