BUTUAN CITY – Kapin sa 15 ka mga tawo ang patay ug 40 ang angol human mibusikad ang usa ka tanker truck nga nagtulo ang kargang petrolyo didto sa southern Haiti.
Sigon ni interim Prime Minister Garry Conille, iya nang naka-istorya ang mga otoridad sa Nippes, diin natigayon ang pagbusikad rason nga gipangkatag gilayon ang mga civil protection crews ug ubang mga opisyal.Nagpa-abot na usab sa ilang pahasubo ang kagamhanan ngadto sa tanang mga biktimang survivors ug sa pamilya sa tanang nalambigit sa maong insidente.
Natigayon ang pagbusikad dihang nagkamulo og takos ang mga biktima sa na-usik nga lana gikan sa nasangpit nga sakyanan. Gipangdala na ang mga angol sa Sainte Therese Hospital sa Miragoane City kansa 100-kilometros ang gilay-on gikan sa kasadpang bahin sa Port-au-Prince. Sigon ni National Civil Protection head Emmanuel Pierre, ang mga biktimang nagrabihan, dalhon ngadto sa ubang mga regional hospitals aron matambalan.
