BUTUAN CITY – Laing 15 na usab ka mga pasahero ug tulo ka mga tripolante sa usa ka motorbanca ang naluwas sa ginsakpan sa Coast Guard Sub-Station sa kadagatan sa Socorro, Surigao del Norte human natangtang ang sabad niini dihang anaa na sila sa kalawran sa Bucas Grande Island.
Migawas sa imbestigasyon nga ang motorbanca nga MCBA Retreat-1 mibiya gikan sa Tiktikan Resort sa Brgy. Sudlon sa lungsod sa Socorro, ug padulong unta sa General Luna sa Siargao Island, Surigao del Norte.
Dihang anaa na sila sa kadagatan sa Brgy. Navarro, kalit lang nabu-ak ang propeller shaft sa motorbanca ug nahulog rason nga gipahunong ang pag-andar sa makina aron malikayan ang dugang kadaut.
Nasayrang nadautan kini dihang kusog ang huros sa hangin ug sulog sa tubig hinungdan nga naghulat na lang sila og rescue assistance human nakapadala og distress call.
Dinhi na giguyod ang motorbanca sa mga miresponding mga sakop sa Search and Rescue kon SAR team uban sa Philippine Coast Guard sa gilay-ong 500-metros.
