BUTUAN CITY – Nahimong highlight sa Bombo Medico 2018 ning siyudad sa Butuan ang on-the-spot nga operasyon sa napulo ka mga indibidwal nga duna’y bukol og cyst kagahapon apil na ang gihimong operasyon sa lima ka mga tawong bungi og ngoho.
Tungod niini, mi-abot na sa kapin 300-mil pesos ang nahatag nga libreng serbisyong medical sa mga volunteer surgeons kagahapon nga mihimo sa on-the-spot operation sa mismong venue sa may covered court sa Agusan del Norte Capitol ground og sa Holy Child Colleges and Hospital.
Kini gawas pa sa napulo ka mga tawong nahatagan og sungkod, 3 ka crutches og usa ka wheelchair samtang kapin 3-mil usab ang na-avail sa medical, dental og eye services wala pa’y labot niini ang naka-avail sa libreng HIV testing og legal service sa mga abogadong gikan sa sa Integrated Bar of the Philippines kon IBP-Agusan del Norte branch.
Pulos pagpasalamat ang nalitok sa mga nakabenepisyo sa tinuig nga kalihukan sa Bombo Radyo Philippines network isip pasalamat tungod sa pagpabiling numero unong radio network niini sa tibuok nasud. (Beth Ruiz)
