-- ADVERTISEMENT --
BUTUAN CITY – Mukabat sa 15 ka mga myembro sa Milisya ng Bayan kon MB sa New People’s Army kon NPA ang nitahan sa Community Support Team kon CST sa Armed Forces of the Philippine nga nadestino sa Sitio San Isidro, Brgy. Bunawan Brook, Bunawan, Agusan del Sur.
Dungan silang nitahan human ang mas gipakusgang kampanya sa gobyerno ilawom sa Enhanced Comprehensive Local Integration Program kon ECLIP.
Sigon ni Col. Andres Centino, commanding officer sa 401st Infantry Brigade, Philippine Army, ang nasangpit nga mga rebel returnees magsilbing modelo alang sa nahabili nilang mga ka-ubanan, partikular sa Guerilla Front 14 aron mubalik na sa sabakan sa balaod ug magpuyong malinawon kauban ang pamilya. (Melody Valledor)
