-- ADVERTISEMENT --
BUTUAN CITY – Padayon pang gipangita ang 15 ka mga mangingisdang missing sukad pa sa pagkuso-kuso sa bagyong Enteng sa nasud kondiin katapusan silang nagpalawod sa Quezon Province.
Base sa unang report sa Philippine Coast Guard (PCG), sakay ang maong mga mangingisda sa fishing banca nga Zshan. Nagpalawod sila sa Pacific Ocean niadtong September 2 gikan sa lungsod sa Infanta ug sukad niadto, wala na sila nakita pa.
Mihimo na og aerial operation ang PCG sa kadagatang sakop sa Quezon apan wala’y nasigpatan ang search and rescue team nga senyales sa grupo apil na sa bangka nga ilang gigamit.
