BUTUAN CITY – Gikumpirma sa military forces sa Amerika nga napatay sa ilang tropa sa Iraq ang 15 ka mga Islamic State kon IS operatives sa gipahigayong joint operation tali sa Iraqi Security Forces nga mipunting sa liderato sa maong grupo.
Sigon sa US Central Command, naka-agbat sa American ug Iraqi troops ang mga IS members nga duna’y daghang armas, granada ingon man mga explosive suicide belts.
Sigon sa US military command group, wala’y indikasyon nga duna’y mga sibilyan nga nadamay samtang wala pa’y klaro kung duna ba usa’y casualty sa US o kaha Iraqi service members.
Sigon sa Iraqi military, ang ilang mga airstrikes gi-target sa mga hideouts, nga gisundan sa usa ka airborne operation sa mga deserto ug mga langob.
Ila matud pang naguba ang tanang mga hideouts, mga hinagiban ug mga logistical support samtang ang mga explosive belts, luwas nilang na-detonate samtang ang mga importanteng dokumento mga identification papers ug communication devices, ilang giapng-embargo.
