BUTUAN CITY – Mi-abot na sa 15 ka mga tawo ang patay sa Davao Region tungod sa mga pagbaha ug pagdahili sa yuta nga hatud sa shearline.
Migawas sa datus sa National Disaster Risk Reduction and Management Council kon NDRRMC nga nadugangan ang ihap sa mga namatay kagahapon human narekober ang usa pa ka biktima sa landslides sa mga lungsod sa Moncayo ug Maragusan samtang laing duha ang namatay sa Davao City.
Sa maong ihap, walo ang na-verify na samtang laing lima ang naka-angkon og grabeng injuries tungod sa ilang nadangatan.
Sa pikas bahin, mi-abot na sa 349-mil ka mga indibidwal sa Davao Region ang apektado sa kusog ug padayon nga pag-ulan ug kapin sa 3,600 ka mga pamilya ang napugos sa paghikling padulong sa mga evacuation centers.
Sa kasamtangan, gipa-ilalom na sa state of calamity ang Davao del Norte ug Davao de Oro.
