BUTUAN CITY – Padayon pa ang imbestigasyon sa kapulisan sa lungsod sa Marihatag, Surigao del Sur aron ma-ilhan ug madakpan ang responsable sa pagpatay sa usa ka 15-anyos nga dalagita nga napalgan na lang nga wala na’y kinabuhi ilalom sa tulay sa Purok Mangga nga nagkutay sa Brgy. San Isidro ug sa Brgy. Mahaba.
Ang biktimang gitago lang sa pangalang Inday, 15-anyos, residente sa Purok Marang sakop sa Brgy. Mararag ug nagtungha sa Marihatag National High School.
Sigon ni Police Staff Master Sergeant Arnold Tucong, nakadawat sila og report gikan sa kapitan sa Brgy. San Isidro kalabot sa maong hitabo ug dihang ilang girespondihan, nakita nilang wala na’y sapot ang biktima apan duna pa’y bra.
Katapusan matud pa kining nakit-an pasado alas-dose sa tungang gabii sulod sa diskuhan ug dihang wala na makita sa iyang mga barkada pasado alas-12:30 sa kaadlawon, midangop na sila sa kapitan sa ilang barangay hinungdan nga gipangita gilayon ug kaganina pang alas-9:45 sa buntag kini napalgan nga wala na’y kinabuhi.
