-- ADVERTISEMENT --
BUTUAN CITY – Gi-andam na sa kapulisan sa Cabadbaran City sa lalawigan sa Agusan del Norte ang kasong ipasaka batuk sa usa ka 87-anyos nga lolo human niini gipusil-patay ang iyang ka-ipon nga minor-de-edad.
Gika-ingong tungod sa grabeng selos, tulo ka higayong gipusil sa dughan sa suspek nga si Felix Cabanes, residente sa Purok 3, Brgy. Mabini sakop sa maong siyudad, ang 15-anyos niining ka-ipong gitago lang sa pangalang Inday hinungdan sa iyang hinanaling kamatayon.
Mitahan gilayon sa kapulisan ang suspek human sa insidente og andam kining atubangon ang mahimong sangputan sa iyang salaud nga nahimo. (Beth Ruiz)
