BUTUAN CITY – Legal na ang same-sex marriage sa Thailand kansa dakong kasaysayan sa maong nasud ilabina nga tipik lang kini sa pipila ka mga nasud sa Asya nga mirekognisa sa marriage equality.
Tungod niini, kaganinang alas-otso pa lang sa buntag, naglinya na ang mga LGBTQ+ couples sa mga district offices ug ubang venues aron magpakasal kondiin dul-an sa 180 ang nagparehistro aron magpakasal sa usa ka upmarket shopping mall sa sentrong bahin sa capital Bangkok, tungod sa usa ka event nga gi-organisa sa local government.
Apil sa milinya sila police officer Pisit “Kew” Sirihi-runchai ug iyang partner nga si Chanatip “Jane” Sirihirunchai, kinsa pila ka tuig nang naghulat niini. Ang uban didto na naglinya sa 50 ka mga district offices tungod sa sikat nga pangalan sa maong mga lugar sama didto sa Bang Rak nga sa English pa, District of Love, ingon man Bang Sue kon District of Honesty.
Duna usa’y nagpakasal sa Bang Chak kon District of Goodbyes; ug Bang Phlat kon District of Separation. Sa kinatibuk-ang nasud, mi-abot sa 1,448 ka mga same-sex couples aang gikasal ning adlawa kansa sigon sa mga LGBTQ activists, tribute nila kini ngadto sa Change 1448 campaign for marriage equality.
