BUTUAN CITY – Mi-abot sa 143 ka mga baboy gikan sa upat ka mga purok sa Brgy. Lapinigan sa lungsod sa San Francisco, Agusan del Sur ang na-depopulate na sa Municipal Agriculture’s Office human nakumpirmang duna kini African Swine Fever kon ASF.
Sa eksklusibong pakighinabi sa Bombo Radyo Butuan, gipadayag ni municipal agriculturist Vinia Ranuco nga pulos mga backyard hog raisers lang ang na-apektuhan sa ilang gihimong depopulation.
Tungod niini, hatagan og tag-5 mil pesos nga cash alang sa kada-ulo sa baboy ang mga tag-iya isip assistance sa nasudnong kagamhanan nga ipaagi sa ilang buhatan apan kini alang lamang niadtong mga tag-iyang misurender sa ilang mga binuhing baboy samtang anaa pa sa tangkal og nag-edad pa og 45-diyas pataas ang ilang mga binuhi.
Ang provincial government usab muhatag og livelihood assistance sa mga na-apektuhan samtang ang lokal nga kagamhanan muhatag usab og 2,500-pesos nga cah assistance.
Nagpahigayon na og istriktong kwarantina sa Barangay Lapinigan kondiin dunay mga checkpoint ang gibutang sa entrance sa nasangpit nga barangay aron masiguro nga walay makasulod-gawas usab nga binuhi ingon man karneng baboy.
Giklaro usab sa lokal nga kagamhanan nga wala’y angayang ika-panic ang mga tawo tungod kay pipila lang ka mga barangay ang apektado niini.
Gidugang pa ni Ranoco nga gimanduan na usab sa mayor ang tanang barnagay kapitan nga i-mobilize na ang ilang mga barangay tanods samtang nagpadayon og blood sampling ang ilang mga personahe sa ubang mga baboy sulod sa 7-kilometer radius.
