BUTUAN CITY – Ningsaka na sa 14 ka mga debotong Muslim ang namatay atol sa Hajj pilgrimage sa Mecca, Saudi Arabia tungod sa grabeng kainit sa panahon nga mi-abot na sa 44-degrees celcius rason nga daghan sa mga deboto ang nalipong ingon man naluya.
Nakigkoordinanar na ang Jordanian foreign ministry sa mga awtoridad sa Saudi alang sa mga namatayng deboto human nasuta nga kasagaran sa mga namatay, mga Jordanians.
Una nga nipasidaan ang mga otoridad sa Saudi Arabia nga ang ilang temperatura, mahimong moabot sa 48-degrees Celsius.
Sumala sa Saudi General Authority for Statistics, labaw pa sa 1.8 milyones nga mga tawo ang gilauman nga motambong sa Hajj karong tuiga.
Ang hajj, usa sa pinakabalaan nga ritual sa mga kaigsuonang Mauslim, kansa himoon bisan ka-usa man lang sa ilang kinabuhi.
