BUTUAN CITY – Gikumpirma ni 2Lt Rommel Arnado sa 26th Infantry Battalion, Philippine Army nga 14 ka rebelding New People’s Army kon NPA ang misurender sa ilang han-ay karung adlawa.
Sumala sa opisyal mitahan ang nasangpit nga mga rebelde tungod sa kakapoy ug kahadlok nga mapatay ug biyaan lang sa ilang kaubanan ug ilubong sama sa nahitabo sa duha ka rebelde nga napatay sa giyera bag-ohay lang sa Agusan Del Norte.
Dunay dalang 16 ka mga nagklase-klaseng armas ang mga misurender nga gikan sa Tribung Banwa-on sa Talacogon, Agusan Del Sur.
Sigon pa ni 2lt Arnado, dugay na sa kalihukan ang mga rebelde nga sakop sa Guerilla Front Committee 88 ug 89 sa NPA, ug duna pay na-destino sa Comval province.
Sa karun giproseso na ang Comprehensive Integration Program kon Clip para sa mga nag-surender, apil na ang cash nga maoy livelihood assistance ug ang bayad sa ilang dalang armas, base na usab sa Balik-Baril Program.
