BUTUAN CITY – Gi-verify pa sa National Disaster Risk Reduction and Management Council (NDRRMC), ang gika-ingong mi-abot na sa 14 ka mga tawo ang patay ingon man tag-duha ka angol ug missing tungod sa managlahing epektong hatud sa Super Typhoon Carina nga nagpakusog sa hanging habagat kon southwest monsoon.
Sa maong ihap, unom ang padayon pang gi-validate.
![](https://img.bomboradyo.com/butuan/2024/07/Carina3.jpg)
Ang CALABARZON kon Cavite, Laguna, Batangas, Rizal ug Quezon maoy duna’y pinakadaghang nakalas nga mi-abot sa lima nga gisundan sa upat sa Zamboanga Peninsula.
Sigon sa NDRRMC, anaa na sa 1,115,272 ka mga tawo ang apektado sa bagyong Carina ug sa southwest monsoon.
Bisan og padulong ang bagyong Carina sa Luzon ngawala mag-landfall, nagrabehan niini ang Bangsamoro Autonomous Region in Muslim Mindanao kon BARMM nga naka-apekto sa kapin 567,000 kla mga tawo.
Samtang anaa pa sa 51,726 ka mga indibidwal ang nagpasilong sa mga evacuation centers sa entiro nasud.
![](https://img.bomboradyo.com/butuan/2024/07/Carina2.jpg)