BUTUAN CITY – Katorse ka mga medalyang bulawan ang ilugan karong adlawa sa unang adlaw Olympic Games didto sa Paris, France human ang makasaysayanong opening ceremony nga gi-ulan.
Human ang bonggang opening ceremony, nakatutok na karon ang mga atleta pagsakmit og medalyang bulawan ug ang pag-excel sa nagkada-iyang sporting events.
![](https://img.bomboradyo.com/butuan/2024/07/gold2.jpg)
Apil sa ilugang medalyang bulawan ang upat sa swimming, tagduha sa cycling, fencing, ug judo ug tag-usa sa diving, skateboarding, shooting, ug rugby sevens.
Ang swimming sugdan sa La Defense Arena kondiin paningkamutan sa Australianong Olympic champion nga si Ariarne Titmus nga mamintina ang iyang 400 meters freestyle title batuk nila American Katie Ledecky, ang 2016 Rio champion ug Canadian wunderkind Summer McIntosh.