BUTUAN CITY – Naglusad og imbestigasyon ang ginsakupan sa Butuan City Police Station-4 aron masuta kung wala bay foul play ang nahitabong paghikog sa 14-anyos nga bayong-bayong kagahapon sa hapon sa may P-1, Brgy. Tagabaca, Butuan City.
Kauban sa maong han-ay sa kapulisan ang Regional Foreignsic Unit-13 sa pagpangulo ni Police Kapitan Paolo Acosta nga maoy nagproseso sa lugar nga nahitaboan.
Nasayrang nakit-an nalang sa silingang si Darwin Valentine Casiño nga nagbitay ang wala na gipanganlang biktima, Grade 9 student, pasado alas 3:20 sa hapon diha sa punuan sa kahoy nga acacia kilid sa basakan.
Gamit niini ang pisi nga hikot sa kabaw nga iyang gihikot usab sa iyang li-og. Nakasinati matud pa og depresyon ang biktima tungod sa problema sa pamilya.
Samtang sa mga pakisusi nga gihimo, posibleng nanglood matud pa ang biktima human wala nahatagan sa gipangayu nga baon sanglit wala may ikahatag usab ang ginikanan niadtong tungora.
