BUTUAN CITY – Giluba sa Grade 10 nga estudyante gikan sa Urot National High School sa Barangay Mabolo, Cebu City ang iyang uyab nga Grade 8 student human kini nakigbulag kaniya.
Nahitabo ang insidente pasado alas 6:15 sa gabii niadtong Lunes sulod sa pansayan sa eskwelahan.
Base sa imbestigasyon sa Mabolo police station, nagtagbo ang biktima og suspek sa ikaduhang andana sa tunghaan diin gibira sa suspek ang biktima ngadto sa comfort room og gikompronta kung nganung kini gibulagan og dayung hangyu nga magbalik.
Apan wala na misugod ang biktima nga makigbalik pa nga gikasuko sa suspek nga 18-anyos nga misangpot sa pagluba.
Gelayong gidala sa Cebu City Medical Center ang biktima human nakahiagum ug samad sa le-og samtang ang suspek nadakpan sa follow up operation.
Sigon ni Police Major Romeo Caacoy Jr., hepe sa Mabolo police station, in-love matud pa kaayu ang suspek rasong dili kini gustong buwagan.
Kasong Frustrated Homicide ang gisang-at karun sa pamilya sa biktima ngadto na sa suspetsado.
