BUTUAN CITY – Gimugna karon sa Department of Environment and Natural Resources kon DENR-Caraga ang Siargao Island Eco-Tourism office aron maresolba ang nagkada-iyang issues and concerns human na-validate nga mi-abot sa 133 ka mga business establishments sama sa mga resorts, ang wala’y Environmental Compliance Certificate kon ECC.
Apan gitin-aw ni DENR-Caraga Regional Executive Director Felix Alicer nga ang maong mga establisamiento duna na’y pending application sa ECC samtang ang uban, mao pa lama’t pag-apply.
Prayuridad nila karon nga malikayan ang pagkaguba sa Siargao nga usa sa mga top tourist destinations sa nasud aron dili masusama sa Boracay Island.
Aminado usab ang mga DENR officials nga apil sa mga isyung gi-atubang karon sa Siargao Island duna’y kalabutan sa sound og dili maayong sewerage system, water quality ingon man carrying capacity sa amtag- tourism spots sa isla. (Beth Ruiz)
