BUTUAN CITY – Gibutyag sa Philippine Statistics Authority kon PSA nga ning kabat sa 1,300 ka mga indibidwal nga nakadawat og disbursments sa P500 million nga confidential funds gikan sa Office of the Vice President kon OVP ang wala matud pay record sa national registry.
Sumala sa PSA nga ila matud pang gi-verify ang 1,992 ka mga pangalan nga nakutay sa confidential funds ni Vice President Sara Duterte sa OVP, apan anaa lamang sa 670 ka mga pangalan ang dunay match sa records sa PSA, samtang ang nabiling 1,332 kabook, walay birth records.
Dugang sa ahensya, mo kabat matud pa sa 1,456 ka mga indibidwal ang walay marriage records, ug 536 lamang ang dunay posible match; 1,593 usab ang walay death records, apan 399 ang posibleng dunay matches.
Ang maong datus naka latid gikan sa sulat ni National Statistician ug Civil Registrar General Undersecretary Claire Dennis Mapa ngadto kang Manila 3rd District Representative Joel Chua, ang chair sa House Committee on Good Government and Public Accountability.
Sumala ni Chua sa usa ka pamahayag nga ang maong certification nga gikan mismo sa PSA, naglatid og duda nga mamahimo matud pang gi-manufacture lamang sa OVP ang mga resibo niini arun maka lusot sa hisgutanang disbursement sa confidential funds.
