BUTUAN CITY – Usa ka pulis sa Zambia ang giaresto human niini gipagawas ang 13 ka binilanggo gikan sa prisuhan tungod sa grabe niini kahubog. nahitabo ang insidente sa Leonard Cheelo Police Post sa Kanyama, Lusaka, niadtong buntag sa Disyembre 31.
Nailhan ang pulis nga si Detective Inspector Titus Phiri, nga gikuha matud pa ang mga yawe sa selda gikan sa iyang kaubanan samtang anaa sa impluwensya sa ilimnong makahubog.
Sumala sa taho giablihan ni Phiri ang mga selda sa kalalakin-an ug kababayen-an ug gisultihan ang mga pinereso nga sila pwede nang mogawas aron sugaton ang bag-ong tuig.
Ang mga pinereso nga nag-atubang sa mga kaso nsa pagpanakit, pagpangawat ug uban pang krimen, wala na mibalik human sa insidente.
Tungod niini, mihimo og halapad nga manhunt ang Zambia Police Service aron mabalik ang mga nakasibat. Sumala sa kapulisan si Phiri mismo misibat human sa insidente.
