13-anyos nga batang babaye sa Aklan, gitoohang biktima na usab sa lugos

BUTUAN CITY – Laing biktima na usab sa gitoohang lugos ang natala sa nakalabay nga adlaw.

Kini human napalgan nalang nga wala nay kinabuhi ang biktima nga 13-anyos nga batang babaye nga wala nay sapot sa ubos nga parte sa iyang lawas niadtong buntag sa Biernes, Enero 17 sa Barangay Unidos, Nabas, Aklan.

Base sa pamahayag sa uyoan sa biktima, nga maoy nakakita una sa lawas, unang nagtuo nga manikin kini sa iyang pag-agi. Apan, dihang iyang gidool, nadiskobrehan niya nga patay’ng lawas kini sa iyang pag-umangkon.

Huwebes sa gabii pa katapusan nga nakita ang biktima nga naggamit og piso wifi.

Wala na kini nakauli sa ilang balay pagkahuman niini.

Nagpadayon ang imbistigasyon aron mahibal-an ang tinuod nga nahitabo.