BUTUAN CITY – Duna’y 12 ka mga barangay ning siyudad sa Butuan nga gikonsiderang areas of concern kon hotspots subay sa nagkaduol nga barangay og SK kon Sangguniang Kabataan elections.
Gikumpirma kini ni Butuan City Police Director P/Sr. Supt. Albert Magno, sa eksklusibong pakighinabi sa Bombo Radyo.
Gibutyag sa opisyal nga padayon pa nila kining gi-validate og kung kinahanglan, butangan nila kini og mga trained human rights monitoring teams aron maminusan kondili man gani hingpit nga mawagtang ang mga human rights-related violence.
Nagbilin na matud pa siya og kamanduan ngadto sa iyang mga station commanders aron monitoron ang mga barangay nga duna’y daghang mga kandidato sa ingon maseguro nga wala’y kandidatong mubuhi og mga sakit nga pulong nga ikasakit sa ilang mga ka-atbang.
Duna usab sila’y gimugnang City Joint Security Control Center nga maoy himuong venue alang sa pagtuki sa nga issues and concerns samtang padayon ang ilang preparasyon sa umalabot nga eleksyon.
