BUTUAN CITY – Nagpadayon karon ang pagpangita sa mga otoridad sa northern Australia alang sa usa ka 12-anyos nga bata nga nawala ug gitu-uhang gitukob na sa buaya.
Katapusang nakit-an ang biktima kagahapon nga naglangoy-langoy sa hiling nga lungsod sa Palumpa – kansa 7-ka oras nga biyahion gikan sa Darwin sa Northern Territory (NT).
Sigon sa kapulisan, nag-deploy na og usa ka specialist search and rescue team human sila nakadawat og initial reports nga gi-atake matud pa ang maong bata sa usa ka buaya.
Nasayran nga ang Northern Territory puy-anan sa gibana-banang 100,000 ka mga saltwater crocodiles, kumpara sa bisan asang panig sa kalibutan apan dili komon ang ilang pag-atake.
Mitabang na pagpangita ang mga membro sa komunidad sa Palumpa nga duna lama’y 364 ka mga tawo ug gisugdan gilayon sa mga pulis ang pagpangita sa biktima ka-uban ng mga sakop sa expert search and rescue team nga maoy nagsuhid sa katubigan ug kamad-an.
