BUTUAN CITY – Dakong garbo ang dala sa 11-anyos nga batang si Alexa Rean Ticao Fuentes, taga-Pulang-Lupa, Trento, Agusan del Sur, dili lang sa maong lalawigan kondili apil na sa Pilipinas.
Kini human siya nakasakmit og tulo ka mga silver medals sa iyang pagsalmot sa Dream Cup 2025 – 4th International Rhythmic Gymnastics Competition nga gipahigayon sa Kuala Lumpur, Malaysia ning mi-aging semana.
Girepresentahan ni Alexa, ang Trento West Central Elementary School ug ang lalawigan sa Agusan del Sur, sa kompetisyong Under-11 Advanced Category, kondiin iyang gi-showcase ang iyang abilidad sa freehand, hoop, ug rope events diin niya nasakmit ang mga silver medals.
Sigon sa iyang coach nga si Joanna Mae Briñas, nagsugod sa iyang formal training si Alexa niadto pa lang Enero 5 ning tuig, kansa mao na ang iyang walo ka buwan nga preparasyon nga wala’y breaks akang sa mga holidays o kaha bakasyon.
Ang kalampusan ni Alexa, wala lagn nag-highlight sa iyang mulambo pang potensyal sa rhythmic gymnastics apan nagsilbi usab nga inspirasyon sa mga batan-ong atleta sa Agusan del Sur.
Ang Dream Cup 2025 nagtapok sa mga batan-ong gymnasts gikan sa nagkada-iyang nasud kondiin ang nakuhang silver medals ni Alexa, usa na ka dakong kalampusan alang kaniya, sa iyang tunghaan ingon man sa iyang lalawigang gigikanan – ang Agusan del Sur.
