BUTUAN CITY- Nahidangat na sa Caraga Region ang Pfizer-BioNtech vaccines kagahapong adlawa kansa unang makapahimulos ang mga taga Claver, Surigao del Norte.
Muabot sa 1,170 doses sa Pfizer -BioNtech nga bakuna batok sa Coronavirus disease 2019 (COVID-19) ang nahidangat sa lungsod sa Claver,Surigao del Norte insankatong alas 11:30 sa buntag kagahapong adlawa kansa personal nga gidawat ni Claver Municipal Mayor Georgia D. Gokiangkee.
Nasayran nga ang sa Claver ang pinaka-unang munisipyo sa Mindanao ang nahatagan sa Pfizer-BioNtech human unang nakapalit sa ultra-low temperature freezer.
Muabot matod pa sa 585 ka mga tao ang kayang bakunahan sa maong nangabot nga bakuna kansa itupok kaduha.
Gipangunahan ni . Meriam O. Ceredon Pharmacist sa Provincial DOH Office sa Surigao del Norte ug. Lyn Ivonnie De Chavez , Pharmacist sa DOH Doongan warehouse ang nanguna sa pagtunol sa maong bakuna ngadto kang Mayor Gokiangkee uban ang mga representatives gikan sa DOH Caraga ug sa FDA.
Gilauman usab nga human ang pag-abot sa Pfizer vaccine sa Claver mudaghan ang katawhan sa maong dapit labi na ang anaa sa priority A1 hangtud A5 ang gustong magbakuna.