BUTUAN CITY – Muabot sa 117 ka senatorial aspirants ang gideklarang ‘nuisance candidates’ sa Commission on Elections (Comelec), base sa rekomendasyon sa ilang Law Division.
Sigon ni Comelec Chairman George Erwin Garcia, ang motu proprio petition batuk sa 117 ka senatorial aspirants gidesisyunan sa First at Second Divisions sa poll body.
Gitin-aw usab ni Garcia nga mamahimo pang iapela sa mga nasangpit nga kandidato ang desisyon, pinaagi sa pagduso og motion for reconsideration sa Comelec en banc o restraining order sa Korte Suprema.
Sa karun duna nay unom ka aspirants, nga gideklarang ‘nuisance candidates’ , ang nagduso na og apela sa Comelec en banc.
Mahinumdumang anaa sa katibuk-ang 183 ka senatorial aspirants ang naghaon sa certificates of candidacy (COC) sa Comelec para sa 2025 National and Local Elections (NLE) apan 66 lang sa mga niini ang gideklarang lehitimong kandidato sa Comelec Law Department.
Sumala pa ni Garcia, ang mga nasangpit nga lehitimong kandidato maapil na sa opisyal nga listahan nsa g mga kandidato sa pagka-senador sa piniliay sa sunod tuig.
