Base sa pinaka-ulahing data sa CIDG-Caraga, sa maong ihap, 27 na ang mga kasong napasaka na sa korte sa pagpanguna sa investor nga naka-pay in og 131-milyunes pesos.
BUTUAN CITY – Mi-abot na karon sa 114 ka mga investors sa FRX Rice Trading kon Forex Trading ang midangop sa Criminal Investigation and Detection Group kon CIDG- Caraga aron ireklamo ang mga Forex officials.
Padayon gihapon ang pagpanguha nila og mga ebidensya aron mas mapalig-on pa ang kasong syndicated estafa batuk sa mga Forex officials sa pagpanguna sa president og tag-iya niining si Dimber de la Cruz Celis nga karon padayon pang gipangita apil ang iyang mga agents og mga opisyal.
Ang mga reklamante naggikan pa sa nagkada-iyang mga lungsod sa mga lalawigan sa Agusan del Sur og Agusan del Norte, Butuan City apil na sa Tagum City, Mati City og uban pang mga lungsod sa Davao del Norte og Davao Oriental.
Gawas sa syndicated estafa, duna usa’y mupasaka og kasong paglapas sa RA 8799 kon mas nailang Securities Regulation Code of the Philippines.
