-- ADVERTISEMENT --
BUTUAN CITY – Onse ang natalang patay sa subling paglusad og airstrikesa Estados Unidos batok sa tulo ka bangka nga gika-ingong nagdala og ilegal nga droga sa eastern Pacific ug sa Caribbean.
Sumala sa US Southern Command, aduna silay nadawat nga impormasyon nga ang maong mga sakayan duna’y kargang ilegal nga droga.
Wala’y miyembro sa US military ang nasamdan, samtang upat ka tawo ang namatay sa unang bangka, upat usab sa ikaduha, ug tulo sa ikatulong bangka.
Sukad gisugdan niadtong Setyembre sa miaging tuig ang mga airstrikes, mi-abot na sa 135 ka tawo ang namatay.
Gipangatarungan ni US President Donald Trump nga ang mga bangka nga gipadagan sa mga kartel mao ang nagdala sa ilegal nga droga paingon sa US.
-- ADVERTISEMENT --
