BUTUAN CITY – Mi-abot sa 11 ka mga tawo ang patay samtang 14 ang missing human ang kusog nga pagbundak sa ulan sa northeastern province sa Liaoning, China.
Nasayrang nasinatian karon sa China ang grabeng ka-init sa panahon ingon man makamatay nga kusog nga pagbundak sa ulan apil na ang makapaso nga heat waves.
Ang China gibansagang pinakadakong emitter sa mga greenhouse gases sa kalibutan kansa sigon sa mga scientists maoy hinungdan sa climate change ug naghimo sa extreme weather nga balik-balik ang pagtumaw.
Sa Liaoning, ang pila ka adlaw na nga kusog nga pagbundak sa ulan, nakabalda na sa biyahe ingon man sa mga emergency response efforts.
Libuang mga residente na sa nasangpit nga lugar ang gipahikling ilabina sa coastal district sa Huludao samtang gilusad ang “all-out search” alang sa na-missing nga mga tawo.
