BUTUAN CITY- Kapin 101 ka tripulante ang gikatahong nawala humang mingunlod ang Iranian Navy frigate IRIS Dena (75) gawas sa water territorial sa Sri Lanka niadtong Miyerkules.
Sumala ni Sri Lanka Foreign Minister Vijitha Herath, naluwas sa ilang hukbong dagat ug pwersa sa kahanginan ang 32 ka na-angol nga marine, kadaghanan anaa sa kritikal nga kondisyon.
Ang insidente nahitabo samtang pa-uli na ang barko gikan sa MILAN 2026 International Fleet Review nga gipahigayon sa India. Gidala ang mga nasangpit nga tripulante sa ospital sa Galle, kung asa padayon nga gipangtambalan.
Bisan pa man og adunay mga taho nga ang barko gitorpedo sa usa ka submarino, dili pa klaro kung unsang nasud ang responsable sa pag-atake.
Ang pag-unlod sa IRIS Dena nakapahimo og kabalaka sa rehiyon, hilabi na nga dungan sa minggrabe nga tensyon sa Middle East.
