-- ADVERTISEMENT --
BUTUAN CITY – Nabawi sa Estados Unidos ang kapin sa 100,000 ka mga visa sukad milingkod sa katungdanan si United States President Donald Trump, subay na sa anti-migrant platform sa administrasyon nga nagtinguha sa mass deportation.
Sumala sa Department of Homeland Security, kapin sa 605,000 ka mga tawo na ang na-deport ug 2.5 milyones usab ang boluntaryong mibalik sa ilang nasud.
Kini mao na ang pinakataas nga ihap sa visa revocations sulod lang sa usa ka tuig, nga naglangkob sa panahon sukad sa ikaduhang inauguration ni Trump niadtong Enero 20, 2025.
Gawas pa niini, liboang visa ang gikansela tungod sa mga krimen sama sa assault ug drunk driving, ug mga 8,000 ka mga student visas usab ang apil sa gibawi.
