BUTUAN CITY – Ipatuman na sunod bulan, Pebrero, ang siento porsientong increase sa contribution sa Pag-ibig Fund.
Gikan sa kanhe 200 pesos o 100 pesos sa empleyado og 100 pesos sa employer, mahimo na kining 400 pesos o 200 pesos sa empleyado og 200 usab sa employer.
Sigon ni Engr. Noli Quimbo, Branch Manager sa Pag-ibig-Butuan nga niadto pang 2020 giplano ang usbaw sa contribution apan giuktaba kini tungod sa hangyu sa mga employer tungod usab sa lockdown human nga mihapak ang Covid-19.
Pasabot pa ni Engr. Quimbo nga dunay balaod nga gibasehan niini og sa kasamtangan padayon ang ilang paghatag og kumunikasyon sa mga pribadong opisina, HR og Finance Group.
Tungod sa maong usbaw, mas dako na unya ang kantidad kung mo-apply og multipurpose ingon man calamity loan. Kini gawas pa sa dakong share sa savings ugaling magdeclare na og dividend.
Apan giklaro sa opisyal nga wala lang sila naglimita sa 200 pesos tungod kay ang miyembro pwedeng mohatag og mas dako pa niini nga contribution aron sa ingon mas dako usab ang iyang ma-save.
