100 ka sako sa mono ammonium phosphate, nakumpiska sa pier sa Butuan City

BUTUAN CITY – Anaa sa kostudiya sa Philippine Ports Authority kon PPA-Butuan ang usa ka gatus ka sakong kemikal nga ilang narekober human gipalusot sa barkong midunggo sa pantalan sa Brgy. Lumbucan ning siyudad sa Butuan.

Nasayrang usa ka impormante ang nagpindot sa Butuan City Police Station (BCPS) 3 kalabot sa kemikal nga gikarga sa barko bisan og wala kini’y gideklarang tag-iya.

Ang sinakong mono ammonium phosphate nga semi-refined wax, gisulod sa container van.

Nasayran sa inisyal nga imbestigasyon nga dalhon kini sa lungsod sa Talacogon, Agusan del Sur apan wala’y consignee hinungdan nga gipakisayran pa karon sa kapulisan kung unsa ang gamitan niini. (Beth Ruiz)