BUTUAN CITY – Gikumpirma ni Barangay Kapitan Angelo Moran sa Barangay Colorado, lungsod sa Jabonga, Agusan Del Norte ang pagkalumos sa 10-anyos nga bata sa ilang dapit.
Sigon ni Kapitan Moran, mga alas 3:00 sa hapon sa dihang nahitabo ang pagkalumos sa batang gikan sa pamilyang Dumadag.
Saysay pa sa Kapitan, nagpugas ang mga ginikanan sa magsoong Dumadag nga taga Purok-1, sa maong lugar, nga nagkasinabot nga maligo sa suba, nga niadtong higayona bisan ug tin-aw hilabihan kini kasulog.
Nasuyop sa lilo nga bahin sa maong suba ang manghod nga 10-anyos nga nabira pa-ilalom.
Gipangeta kini sa iyang magulang apan sa dihang nakita na, wala na kini panimoot.
Gisulayan pa kining dalhon sa ospital apan nakabsan na kini sa hinulamang kinabuhi.
Sumala pa sa kapitan, unang higayon kining dunay nalumos sa ilang suba gikan pa sa Lake Mainit.
Apan kanunay nna matud pa siyang nagpahimangno sa mga ginikanan nga bantayan ang ilang mga anak ilabina kung magligo-ligo sa suba.
