-- ADVERTISEMENT --
BUTUAN CITY- Patay ang anaa sa 10 ka mga tawo human ang mga pagbaha ug pagdahili sa yuta nahitabo sa mga rehiyon sa Himalayan tali sa India ug Nepal.
Kini tungod sa pila na ka-adlaw nga kusog nga ulan, sumala sa lokal nga mga opisyal, anaa usab sa 2,400 ka turista usab ang na-stranded sa amihanan-sidlakang estado sa Sikkim sa India.
Sumala sa mga awtoridad unom ka tawo ang namatay sa estado sa Sikkim samtang upat ang namatay sa pagdahili sa yuta sa lalawigan sa Koshi.
Kahibaloan nga dili kini ang unang higayon nga dunay namatay sa maong dapit tungod sa daot nga panahon tungod kay sa miaging tuig daghang mga tawo usab ang namatay human ang glacial lake nag-awas tungod sa pipila ka mga adlaw nga walay hunong nga pag-ulan.
