BUTUAN CITY – Gikumpirma sa probinsiyal nga panggamhanan sa Surigao Del Norte nga walay natalang casualty sa natigayong landslide kagahapon sa bandang alas 5:30 sa hapon sa Brgy. Siana, Mainit, Surigao del Nort.
Mismong si Gov. Robert Lyndon Barbers ang miadtu sa mga apektadong pamilya kauban ang mga personahe sa Abante Search and Rescue Team, saProvincial Risk Reduction and Management Office (PDRRMO) lakip na sa Incident Management Team (IMT) sa Greenstone Resources Corp. kansa ang mining site nahimutang sa Barangay Siana.
Sa nakuhang impormasyon ning sibyahan, luwas nga nahikling ang muabot sa 46 ka pamilya nga gidala sa evacuation centes sa Tubod og Mainit adiser pa natabunan ang muabot sa 10 ka panimalay sa dihang midahili ang yuta.
Naputlan usab sa linya sa kuryente ang maong barangay samtang dunay mga dalan nga nangliki. Samtang sa opisyal nga pamahayag sa mining company nga Greenstone Resources Corp., gikasubo niini ang panghitabo.
Sumala sa kompanya nga gisuspinde nila ang mining operation aron makahimu sa emergency response activities alang sa kaluwasan sa mga residente. Adiser pa ang insidente, dunay mga pagtay-og sa yuta nga natigayon diin ang pinakakusog anaa sa 4.0 magnitude nga linog sa kasikbit nga Hinatuan, Surigao Del Sur.
HUman usab sa mga liki sa dalan, gelayong gi-cordon ang lugar og gibakwit ang katawhan adiser pa natigayon ang landslide.
