BUTUAN CITY – Gila-umang sugdan na sa kasundalohan sa Israel ang laing 10-ka oras nga ceasefire pasado alas-10 sa buntag sa Gaza kon alas-3:00 sa hapon oras sa Pilipinas, sa pipila ka lugar sa Gaza.
Tungod niini, paspas nga gipasulod ang mga hinabang nga gikinahanglan kaayo sa mga tawo gamit ang luwas nga agi-anan alang sa mga sakyanan nga nagdala og hinabang.
Nasabutan ang hamubo nga ceasefire tungod sa dakong kasuko sa kalibutan hatud sa grabe nga kagutom nga gitaho sa United Nations sa enclave.
Dalli kining gidugok sa gutom nga mga tawo apil na sa mga bata nga makita pa ang kahadlok sa posible nilang dangatan. Kagahapon, mihimo sa ilang unang air drop sa mga pagkaon ang Jordan ug ang United Arab Emirates kansa dili pa-igo kung wala ang mga hinabang nga ipaagi sa yuta.
