BUTUAN CITY – Natapos sa talagsaong kalampusan ang nationwide blood donation campaign sa Dugong Bombo 2024 nga gipahigayon sa 22 ka mga siyudad sa Pilipinas. Kini human nakatigom og dugo gikan sa kinatibuk-an nga 4,453 ka mga successful blood donors rason nga mi-abot sa 2,003,850-cc ang natigom kansa bugti sa 2,003.85 ka litro kon 529.36 ka galon o bugti sa halos 10 ka drums sa dugo.
Ang inisyatiba gi-organisa uban sa pakigtambayayong sa Bombo Radyo Philippines Foundation Inc. ug sa Philippine Red Cross, uban sa suporta sa mga local ug national sponsors, ingon man ang dili matarug nga pagsalig sa mga tigpaminawan sa Bombo Radyo ug mga volunteers sa tibuok Pilipinas. Ang Philippine Red Cross kanunay nga nag-ila sa Dugong Bombo isip bloodiest single-day blood-letting activity sa nasud.
Kini nga pag-ila nag-ila usab sa kritikal nga papel sa Bombo Radyo sa pagsulbad sa kakulang sa suplay sa dugo sa Pilipinas, ilabina sa panahon sa dengue outbreak ug sa na-andan nga kakulang sa dugo matag-Nobyembre ug Disyembre.
Gisibog sa Nobyembre 23 gikan sa orihinal nining eskedyol nga Nobyembre 16, ang pagpahigayon sa Dugong Bombo 2024 ‘A Little Pain, A Life to Gain,’ sa Bombo Radyo Naga ug Bombo Radyo Legaspi tungod sa bagyo’ng Pepito nga mikuso-kuso karon sa Bicolan Region. Kini isip simpatiya usab sa mga apektado sa nasangpit nga bagyo.
Samtang gipahinungod sa Bombo Radyo Philippines ang kalampusan sa Dugong Bombo 2024 ngadto sa libo-ang mga blood donors nga wala’y duha-duhang midonar sa ilang dugo aron pagluwas sa mga kinabuhi sa mga nanginahanglan niini.
Ang ilang pagkamanggihatagon nagsiguro nga ang mga ospital ug pasilidad sa kahimsog sa panglawas sa tibuok nasud makatubag sa kanunay nga panginahanglanon arun makaluwas og kinabuhi. Isip timaan sa pasalamat, ang tanang malampusong blood donors nakadawat ug snacks, fluid replacements, ug espesyal nga Dugong Bombo 2024 T-shirt agi’g paghandom sa ilang partisipasyon.
Bisan pa sa mga hagit, ang Dugong Bombo 2024 usa ka masanag nga panag-ingnan sa kolektibong diwa sa bayanihan, nga nagpakita kung gi-unsa paghi-usa ang mga komunidad sa tibuok Pilipinas aron pagpalig-on sa mga reserba sa dugo, pagpalambo sa panaghi-usa, ug pagpakaylap sa kalooy ug paglaum.
