BUTUAN CITY – Target ni Gilas Pilipinas head coach Tim Cone nga makabaton sila og mas daghang adlaw alang sa pagpangandam sa second window sa FIBA World Cup Asian Qualifiers.
Sumala ni Cone, magsugod ang ilang training camp sa Pebrero 16 ug base sa inisyal nga plano, karong adlawa unta, Pebrero 11, magsugod sa kampo apan duna’y problema sa iskedyul sa pipila ka mga magdudula.
Nasayrang lakip sa iyang gihulat nga mga players nga gikan pa sa liga sa Japan mao sila AJ Edu, Dwight Ramos, ug Quentin Millora-Brown, samtang ang gikan sa Korea mao sila Kevin Quiambao ug Carl Tamayo.
Adunay duha ka duwa ang Gilas nga himuon dinhi sa nasud — ang una sa Pebrero 26 batok sa New Zealand, ug ang ikaduha sa Marso 1 batok sa Australia nga parehong himuon sa Mall of Asia Arena.
