BUTUAN CITY – 22 ka mga samad-dinunggaban ang naangkon sa usa ka 10-anyos nga batang lalaki sa Taytay, Rizal.
Kini human nga kalit nalang siyangg giluba-luba sa babayeng 18-anyos na ang pangidaron samtang nag baktas kini sa usa ka eskinita pauli na sa ilang balay gikan sa eskwelahan.
Unang gidunggab sa babaye ang bata sa likod human nga iyaha kining gisundan samtang nagbaktas sa dalan.
Wala na makalimod pa ang babaye sa krimen tungod kay nasaksihan man sa CCTV ang gihimo niining ngilngig nga krimen ngadto na sa bata kansa walay kukaluoy niining giluba gamit ang kutsilyo. Makita sa kuha sa CCTV nga daw ni pahuway pa ang maong babaye human sa makapila niining pagluba sa bata, ning lantaw sa lapibot kung duna bay laing tawo, ug dihang wala kini nakita, gippadayon niini ang iyahang gihimo.
Pagkakita niini nga duna nay laing tawo, gitudlo-tudlo pa sa babaye ang bata nga nagbuy-od na sa kilid sa kalsada.
Dali usab nga natabangan ang bata sa ubang mga residente ug gialsa pa kini sa ioyahang inahan.
Ning sulay pa pag-ikyas ang suspek apan nasikop ra kini.
Sumala sa imbistigasyon sa mga kapulisan nga daw wala sa kaugalingon ang babaye, ug bisan unsa na lamang ang ipanubag niini dihang ilang sikit-sukiton.
Sa usa ka interview, daw gibasul pa sa babaye ang ginikanan niya nga ningbiya kaniya niadtung bata pa siya.
Alayon niini, luwas ra usab ang batang lalaki ug kasamtangan nang nagpaalim sa Rizal Provincial Hospital System (RPHS) Taytay.
Mag-atubang ang suspek sa kasong frustrated murder, ug kasamtangan kining naka ditene sa Taytay Police Station Custodial Facility.
