BUTUAN CITY – Padayon ang manhunt operation sa mga personahe sa Bislig City Police Station batuk sa suspetsadong gitudlong maoy milugos sa 10-anyos nga batang babaye sa Barangay Mangagoy, Bislig City, Surigao del Sur kinsa anaa sa ospital human gipakog ang ulo sa semento samtang gihimo ang linuog nga binuhatan.
Kini human nga nagtago-tago na ang suspek nga si Robert Licung alyas Kulili, residente sa nahisgutang lugar human aktong nasakpan sa apohan sa biktima dihang gihimo ang kremin.
Daling nagmontar og checkpoint ang Bislig City Police Station og nag-deploy og team aron mag-imbestigar sa insident samtang ang Intelligence operatives nga maoy nagsilbing tracker team, nakigkoordina na sa intelligence community aron masuta ang nahimutangansa suspek.
Sigon ni Brigadier General Joselito Esquivel, Jr, gipalihok na nila ang tanang assets og resources aron madakpan og mabilanggo ang suspetsado kinsa napasakaan na og kaso aroan mahatagan na kini og hustisya.
